Азия ойындары: Қазақстан әйелдер құрамасы финалға шықты

Қорытынды блок Астана уақыты бойынша 17.30-да басталады

Фото: Olympic.kz

Бүгін, 29 қыркүйекте Ханчдоудағы (ҚХР) 2023 жылғы Азия ойындарының таңғы сессиясында жүзуден іріктеу кезеңі өтті, деп хабарлайды Azattyq Ruhy Olympic.kz сайтына сілтеме жасап.

Қазақстандық спортшылар келесідей нәтиже көрсетті:

Әйелдер арасындағы 4х100 аралас эстафетада Ксения Игнатова, Аделаида Пчелинцева, София Спдаренко және Диана Тасжанова 4:11,93 уақытпен мәреге жетті. Команда Қазақстан рекордын орнатып, алтыншы нәтижемен финалға шықты;
София Сподаренко 50 метрлік баттерфляй әдісін 26,45 көрсеткішпен аяқтап, бесінші орыннан финалға өтті;
50 метрге брасс әдісімен жүзуде сегізінші нәтижемен Арсен Қожахметов 28.40 көрсеткішпен финалға өтті;
800 метрге еркін жүзуде Диана Тасжанова 8:48.46 нәтиже көрсетті.

Қорытынды блок Астана уақыты бойынша 17.30-да басталады.