Бибісара блиц бойынша екі дүркін әлем чемпионы атанды
19 жастағы қазақстандық шахматшы Бибісара Асаубаева әлемдік рейтингтегі позициясының артқанын мәлім етті, деп хабарлайды Azattyq Ruhy агенттігі Sports.kz-ке сілтеме жасап.
«Соңғы турнирлерді есептей келе, мен блиц бойынша әлемнің ең үздік шахматшылары арасында үздік бестікке ендім», - деп жазды Ассаубаева Instagram парақшасында.
Еске салайық, Бибісара блиц бойынша екі дүркін әлем чемпионы атанды. Жақында Нью-Делиде (Үндістан) өткен Гран-приде Асаубаева үздік үштікке еніп, Қазақстан мен әлем құрамалары арасындағы матчта әлемнің төрт дүркін чемпионы әрі ФИДЕ рейтингінің әйелдер арасындағы көшбасшысы, қытайлық Хоу Йифанды сенсациялық түрде ұтып кетті.
Оқи отырыңыз: «Үйдегілер орысша сөйлейді»: Бибісара Асаубаева неге қазақша сөйлемейтінін айтты
Бибісара артынша шахматтан Қазақстан Республикасының еңбек сіңірген спорт шебері атанғанын жариялады.