Хоккейден қыздар арасындағы әлем чемпионатында Қазақстан құрамасы ірі есеппен жеңіске жетті

Қазақстан құрамасы Софияда шайбалы хоккейден 18 жасқа дейінгі қыздар арасындағы 2018 жылғы әлем чемпионатында ІІ дивизионның В тобында Жаңа Зеландия құрамасын ұтты, деп хабарлайды Azattyq Rýhy Prosports.kz-ке сілтеме жасап.

Қазақстандықтар қарсыластар қақпасына жеті гол соғып, біреу ғана өткізіп алды.

Жеңімпаздар арасында София Зубкова покер авторы атанды, Мадианна Нүсіпова өз есебіне дубль жазды.

Екі турдан кейін 6 ұпаймен Қазақстан құрамасы турнирлік кестені жалғыз өзі бастап келеді. 29 қаңтарда Мария Федоренконың шәкірттері Бельгиямен ойнайды.