Дәурен Елеусінов АҚШ-та жекпе-жек өткізеді

Жартылай орта салмақтағы қазақстандық боксшы Дәурен Елеусінов (10-1-1, 9 КО) келесі жекпе-жегін қашан өткізетіні белгілі болды, деп хабарлайды Azattyq Ruhy Vesti.kz-ке сілтеме жасап.

36 жастағы боксшы 30 шілдеде рингке оралады. Оның қарсыласы америкалық Джуниор Юнан (16-0-1, 10 КО) болады.

Бұл жекпе-жек Бруклиндегі Barclays Center шаршы алаңына жоспарланған бокс кешінің кардында өтеді.

Дәурен соңғы рет 2021 жылы Нұр-Сұлтанда жұдырықтасып, әзірбайжандық Али Маммадовты нокаутқа түсірген еді.

Юнан болса, кейінгі рет 2021 жылы сәуірде жекпе-жек өткізіп, Джейсон Минданы төрешілер шешімімен жеңген.