Александр Бублик Ньюпорт турнирінің финалына шықты

Қазақстандық теннисші финалда рейтингте америкалық Максим Крессимен бас жүлдені сарапқа салады

фото: ktf.kz

Қазақстанның бірінші, әлемнің 42-ракеткасы Александр Бублик Ньюпорт ATP 250 турнирінің финалына шықты, деп хабарлайды Azattyq Ruhy.

Қазақстандық теннисші жартылай финалда дүниежүзілік рейтингте 102-орында тұрған аустралиялық Джейсон Кублермен күш сынасты. Бірінші партияда брейк жасаған Бублик сол басымдылығын сақтай алды - 6:3. Екінші сетте қарқынын тіпті үдетті - 6:2. Бір сағаттан астам уақытқа созылған матчта Бублик 15 эйс жасап, 10 брейк-пойнттың үшеуін пайдалана білді.

Қазақстандық теннисші финалда рейтингте өзінен бір саты жоғары тұрған америкалық Максим Крессимен бас жүлдені сарапқа салады.

Мақалада

#теннис #Александр Бублик

Алдыңғы жаңалық

«Қайрат» пен венгриялық команданың қарымта кездесуі қайда өтетіні белгілі болды