Қазақстандық файтер миллион долларлық турнирде қарсыласын тізе бүктірді

Қазақстандық аралас жекпе-жек шебері Артем Резников (22-6) Absolute Championship Akhmat (АСА) турнирінде төртінші айқасын өткізді, деп хабарлайды Azattyq Ruhy Vesti.kz сайтына сілтеме жасап.

Гран-при АСА ширек финалында Резников UFC-де өнер көрсеткен бразилиялық Дави Рамоспен (10-4) жұдырықтасты. Жеңіл салмақтағы бұл кездесу Сочиде өткен АСА 140 турнирінің басты оқиғасы болды.

Қарсыластар толық бес раунд жұдырықтасып, оның қорытындысы бойынша төрешілер жеңісті Резниковке берді. Осылайша, қазақстандық Гран-при жартылай финалына шықты.

Турнирдің толық қаржылық қоры миллион доллар.