Қазақстандық Жан Кособуцкий неміс боксшысы Агит Кабайелмен жұдырықтасуы мүмкін

Кособуцкий соңғы кездесуінде франциялық Жоан Дюопаны тізе бүктірген болатын

фото: prosports.kz

Ауыр салмақта өнер көрсететін Жан Кособуцкийдің (18-0, 17 КО) командасы Германияның мықты боксшыларының бірі Агит Кабайелмен (22-0, 14 КО) кездесу өткізу үшін келіссөздер жүргізуде, деп хабарлайды Vesti.kz.

Инсайдердің ақпараты бойынша, олардың кездесуі биыл өтуі керек. Одан бөлек, қазақстандықпен бірге жұмыс істейтін Universum Boxing промоутерлік компаниясы өз әлеуметтік желі парақшасында осы жекпе-жектің жанкүйерлерге қаншалықты болатыны туралы сауалнама жүргізді.

29 жастағы Кабайел кәсіпқой боксқа 2011 жылы келген. 11 жылда ол 22 кездесу өткізіп, оның 14-ін мерзімінен бұрын аяқтаған. Кабайел өз салмақ дәрежесінде өте танымал боксшы болып есептеледі.