Қазақстанда кәсіпқой футзал лигасы құрылды

Мұндай шешім Қазақстан футбол федерациясының қабырғасында өткен елімізде футзалды дамыту бойынша жиында қабылданды, деп хабарлайды Azattyq Rýhy.

Шешімді футзалдан OLIMPBET-Қазақстан чемпионатының барлық клубтары қолдады.

Лига президенті лауазымына Асқар Әбілдаев сайланды. Ол бұған дейін Қазақстан футбол федерациясының футзал департаментін басқарған.

Ұйымның негізгі қызметі футзалдан ішкі жарыстарды ұйымдастыру болмақ: OLIMPBET-ҚР Чемпионаты, OLIMPBET-ҚР Кубогы, OLIMPBET-ҚР Суперкубогы, сонымен қатар барлық жас ерекшеліктері бойынша ел біріншіліктері (U-13, U-15, U-17).