Еуро-2022: футзалдан Қазақстан жасөспірімдер құрамасы іріктеу аясында Польшамен кездеседі

Бүгін футзалдан Қазақстан жасөспірімдер құрамасы Еуро-2022 іріктеу турнирі аясында ойынды бастайды, деп хабарлайды Olympic.kz.

Іріктеу ойындары Финляндияда 15-18 наурыз аралығында өтеді. Финалдық тартыс 2022 жылдың 4-10 қыркүйегі аралығына жоспарланған.

Айта кетерлігі, Қазақстан құрамасы төртінші топқа түсіп, Польша, Финляндия, Босния және Герцеговина құрамаларымен ойнайды.

Біздің құраманың бапкері Семен Палагутин ойыншылардың нақты тізімін аяқтады:

Қақпашылар: Дінмұхаммед Ипмағамбетов («Қайрат»), Андрей Голубничий («Ақтөбе»);

Алаңдағы ойыншылар: Ержан Кәрменов, Лев Ким, Ақтілек Бауыржанұлы, Нұржан Сарқыт (барлығы – «Қайрат»), Ерсұлтан Өтегенов, Вадим Булдин, Қанат Әуезов, Алдияр Қазбеков (барлығы – «Аят»), Алдияр Баданов («Тұлпар»), Руслан Үргенішбаев («Рахмет»);

Жаттықтырушылар штабы: Семен Палагутин – аға бапкер, Александр Дьяченко – аға бапкердің көмекшісі.

Футзалдан Қазақстан U-19 құрамасының ойын кестесі:

• 15.03.2022. Польша – Қазақстан – 17:00
• 16.03.2022. Финляндия – Қазақстан – 23:00
• 18.03.2022. Қазақстан – Босния және Герцеговина – 17:00