Руслан Валиуллин Боснияға қарсы матчта ойнамауы мүмкін

Марат Быстров, Абат Айымбетов және Руслан Валиуллиннің денсаулығында кінәрат бар

Руслан Валиулин, фото: ҚФФ

Қазақстан – Украина матчынан кейін Руслан Валиуллин мен Марат Быстров жарақат алғаны белгілі болды. Медициналық тексерістен кейін олардың Босния құрамасына қарсы матч өткізуі белгісіз болып отыр. Марат Быстровтың өкшесі қатты зақымдалған, ал Руслан Валиуллиннің сіңірі созылған.

Финляндия - Қазақстан матчы кезінде Абат Айымбетов иығын жарақаттап алған. Бұл жарақат осыған дейін де шабуылшыны мазалап жүрген еді.

Аталған үш ойыншының ертеңгі матчта алаңға шығуы белгісіз. Команда дәрігері ертең ойын алдында нақты шешімін айтады.

Еске салайық, Руслан Валиуллин Украинаға қарсы матчта екі гол салып, матч қаһарманы атанды.

Мақалада

#Қазақстан ұлттық құрамасы #футбол #Қазақстан футбол федерациясы

Алдыңғы жаңалық

Бокстан Қазақстан құрамасының жаңа бапкері тағайындалды