Паралимпиада: Нұрдәулет Жұмағали жүзуден үздік үштікке енді

Қазақстандық паралимпиадашылар 5 жүлде алды

фото: olympic.kz

Токиода өтіп жатқан жазғы Паралимпиада ойындарында Қазақстан командасының қоржынына бесінші жүлде түсті.

100 метрге брасс әдісімен жүзуден ерлер арасында өткен жарыста қазақстандық Нұрдәулет Жұмағали үздік үштікке еніп, қола жүлдегер атанды.

Бұл бәсекеде германялық Талисо Энгель жеңімпаз атанса, америкалық Дэвид Абрахамс күміс жүлде алды.

Айта кетелік, қазақстандық паралимпиадашылар Токиода бесінші жүлдесін жеңіп алды. Бұған дейін пауэрлифтингтен Давид Дегтярев алтын алса, Әнуар Сариев, Дәулет Теміржан және Зарина Байбатина дзюдодан күміс медаль иеленді.

Мақалада

#Паралимпиада #жүзу спорты #Токио-2020

Алдыңғы жаңалық

Токио Олимпиадасының нәтижесі жеке отырыста қаралады