03.07.2026, 12:48
Спорт
Қазақстандық балуандар жастар арасындағы Азия чемпионатында тағы үш медаль жеңіп алды
Үш балуан әртүрлі салмақта топ жарды
Фото: Olimpik.kz
Таиландтың Паттайя қаласында өтіп жатқан 20 жасқа дейінгі спортшылар арасындағы Азия чемпионатында грек-рим күресінен Қазақстан құрамасы сәтті өнерін жалғастырып жатыр. Кезекті жарыс күні отандық балуандар қоржынға тағы үш жүлде салды, деп хабарлайды Azattyq Rýhy.
Бозкілемдегі бәсекеде мына спортшыларымыз үздіктер қатарынан көрінді:
- Еркебұлан Анапия (82 кг дейін) – Азия чемпионатының күміс жүлдегері атанды. Ол финалдық белдесуде ирандық балуан Әлиреза Мұхаммед Хоссейниге есе жіберді.
- Алпамыс Болатұлы (60 кг дейін) – үшінші орын үшін өткен тартысты бәсекеде жапониялық Юсукэ Хиротуды қапы қалдырып, қола медаль иеленді.
- Максим Украинцев (97 кг дейін) – ұлттық құрама қоржынына тағы бір қоланы салды. Ол жұбаныш финалында қытайлық палуан Синью Люді жеңіп, тұғырдың үшінші сатысына көтерілді.
Көп оқылған
21.11.2026, 10:34
Қарағандыда ер адам көпірден секірмек болған (ВИДЕО)
21.11.2026, 08:34
Алматыда ауруханаларда кезек көбейген: тұрғындар жаппай шағымданып жатыр
