Нұр-Сұлтанда 23 маусымнан бастап барлық балабақша жабылады
Бұған дейін балабақшаларда кезекші топтар жұмыс істеген еді
Қаланың санитарлық дәрігері Жанна Пірәлиеваның шешіміне сәйкес, 23 маусымда Нұр-Сұлтан қаласында барлық балабақшалардың жұмысы меншік нысанына қарамастан (мемлекеттік және жеке меншік) тоқтатылады, деп хабарлайды Azattyq Rýhy тілшісі қала әкімдігінің сайтына сілтеме жасап.
Бұрын балалар санын бір топта 15 адамнан асырмау тәртібімен балабақшаларда кезекші топтар жұмыс істеген еді. Эпидемиологиялық жағдайды және тәрбиешілердің COVID-19 жұқтыру фактілерін ескере отырып, балабақшалардың қызметін тоқтата тұру туралы шешім қабылданды.
«Егер балалардың қасында қалдыратын ешкім болмаса, ата-аналардың бірі қашықтан жұмыс режиміне ауысуы керек. Карантин кезеңінде балалардың жалпы санының тек 20% -ы балабақшаларға (мемлекеттік және жеке) барды. Қабылданған шаралар тек балалардың денсаулығын сақтауға және инфекцияның таралу қаупін азайтуға бағытталған», - деп жазылған хабарламада.
Балабақшалар жұмысының қайта жандануы қаладағы эпидемиологиялық жағдайға байланысты болады. Әкімдік санитарлық нормаларды қатаң сақтау керек екенін ескертеді.
