Қазақстандықтар 15 қыркүйектен бастап тісін емдету үшін зейнетақы шотындағы ақшасын ала алмайды

Осы күнге дейін түскен өтінімдер қарала береді

Фото: istockphoto.com

Отбасы банк биыл 15 қыркүйектен бастап тіс емдеуге зейнетақы жинағын пайдалану бойынша өтінім қабылдауды тоқтатады, деп хабарлайды Azattyq Rýhy.

«Құрметті клиенттер! 2025 жылғы 15 қыркүйектен бастап enpf-otbasy.kz платформасында зейнетақы жинағының артық бөлігін тіс емдеуге пайдалану бойынша өтінімдер қабылданбайтынын хабарлаймыз. Осы күнге дейін жіберілген өтінімдер штатты режимде қаралады», - делінген Отбасы банктің хабарламасында.

Отбасы банк зейнетақы жинағын тіс емдеуге пайдалану бойынша өтінімдерді қайта қабылдау қашан басталатынын қосымша хабарлайтынын мәлімдеді.

Мақалада

#Зейнетақы #тіс дәрігері #Отбасы банк

Алдыңғы жаңалық

«АMANAT» жанындағы аграрлық кеңес отандық өнімді қолдау жолдарын талқылады