ЛГБТ-ны насихаттауға қоғам да қарсылық көрсетіп жатыр  – қоғамдық қор

«Стратегия» қоғамдық қоры 2,5 мың адамның арасында сауалнама жүргізіп, ЛГБТ қауымдастығының насихатына қатысты мәселесі зерттелді, деп хабарлайды Azattyq Rýhy.

Зерттеу көрсеткендей, біздің қоғамға тән емес идеологиялық және моралдық құрылымдардың, бейнелер мен символдардың ғаламдық байланыс құралдары арқылы белсенді енуіне қарамастан, қоғам әлі де отбасы туралы дәстүрлі идеяның аясында. Сонымен, респонденттердің 77,2%-ы әйелдер мен ерлер арасындағы қарым-қатынас дәстүрлі қоғамның моралдық негіздеріне қайшы келмеуі керек деген пікірді қолдайды.

Сауалнамаға қатысқан 10 адамның 7-уі жас ұрпақ үшін ЛГБТ насихатының қауіптілігін көреді. Бұл ретте әрбір төртінші адам қауіптің жоғары дәрежесі туралы айтады – 27,6%.

«Стратегия» өкілі Симакова ЛГБТ тақырыбын насихаттауға тыйым салу туралы аргументтің, жас ұрпақ үшін елеулі қаупі туралы пікірлердің болуына байланысты, қоғам деңгейінде қолдау табатындығын атап өтті.