Қазақстандағы ардагерлер ең көбі 62 мың, ең азы 8 мың теңге жәрдемақы алады

Биыл Қазақстан үкіметі әртүрлі санаттағы соғыс ардагерлеріне 17 млрд теңге көлемінде жәрдемақы төлейді. Бұл туралы Еңбек және халықты әлеуметтік қорғау министрлігінен мәлімдеді, деп хабарлайды Azattyq Rýhy.

Қазір Қазақстанда 96 соғыс ардагері, соларға теңестірілген 16 630 ардагер, басқа елдердің аумағында ұрыстарға қатысқан 26 580 адам, 37 626 тыл ардагері өмір сүреді.

«2025 жылы осы мақсаттарға 17 млрд теңге қарастырылған», - деп хабарлайды Еңбек министрлігі.

Айта кетейік, қазір Қазақстанда өмір сүретін соғыс ардагеріне ай сайын:

• 62 912 мың теңге
• соғыс кезінде жарақат алып, мүгедек болған адамдар 29 687 теңге, соғыс ардагеріне теңестірілген ардагерлер 24 339 теңге
• Ауғанстандағы ұрыс қимылдарына қатысқандар 24 339 теңге
• Тәжік-Ауған учаскесінде ТМД шекарасын қорғауды күшейту жөніндегі міндеттерді орындаған, Ирактағы халықаралық бітімгершілік операцияға, Таулы Қарабақтағы этносаралық қақтығысты реттеуге қатысқан әскери қызметшілер –18 874 теңге
• тыл еңбеккерлері 8 376 теңге жәрдемақы алады.