Қазақстаннан қай өңірінде ер адамдар көп тұрады

Елімізде ер азаматтардың саны Түркістан, Қызылорда, Алматы облысында көп, қалған өңірлерде қыз-келіншектердің саны басым, деп хабарлайды Azattyq Rýhy.

Түркістан облысында халықтың 51%-ы, Қызылорда өңірінде 50,3%-ы, Алматы облысында 51%-ы ер адамдардан тұрады, Маңғыстау облысында 50,2% -дан Алматыда 53,5%-ға дейін әйел адамдар тұрады.

Database Earth деректеріне сай, Қазақстанда жалпы әйелдердің саны ер адамдардың санынан артық: барлығы 9,9 млн ер азамат, 10,4 млн әйел бар.

Бір қызығы, 15 жастан 62 жасқа дейінгі ерлердің саны әйелдерден басым болып келеді де, зейнеткерлік жасқа жеткенде бұл тенденция күрт өзгереді. Әжейлер халықтың 65%-ы, ал аталар 35%-ы болып қалады.

АӘКД Ұлттық статистика бюросының деректеріне сәйкес, Қазақстанның халық саны жыл басында 20,3 млн адамға жетті. Бұл өткен жылмен салыстырғанда 1,2% - ға артық.

Айта кетсек, 1950-2024 жылға дейін халық санының өсуі оң динамиканы көрсеткен, тек 1992-1998 жылдар аралығында күрт азайған.