Рекорд: Қазақстанда бір әйел 140 рет, тағы бір әйел 182 рет онлайн курстан өткен

Қазақстанда кәсіби онлайн оқыту курстарын өткізетін Skills Enbek платформасына тіркелгендердің 60%-дан астамы әйелдер, деп хабарлайды Azattyq Rýhy.

Еңбек және халықты әлеуметтік қорғау министрлігінің мәліметіне сүйенсек, бұл әйелдер кем дегенде бір курсты толық аяқтап, 81% сертификат алып шығады екен. Олардың арасында рекорд орнатқан қыз-келіншектер бар болып шықты.

«Оқуын аяқтаған әйелдердің көбі Түркістан, Қызылорда, Алматы, Жамбыл облыстары мен Шымкент қаласының тұрғындары.Білім алушы әйелдердің орташа жасы – 38 жас, ең кішісі – 14 жас, ал ең үлкені – 78 жаста. Сонымен қатар, рекорд орнатып, 140 және 182 курсты меңгерген әйелдер де бар», - деп хабарлайды еңбек және халықты әлеуметтік қорғау министрлігі.