Ұлытаудың полициясы қолға түскен күдіктіні азаптаған – олардың ісін сот қарайды

Ұлытау облысының арнайы прокурорлары Жаңаарқа ауданының полиция бөліміндегі қызметкерлер құқық бұзған адамды полицияға жеткізген кезде оны азаптағанын мәлім етті, деп хабарлайды Azattyq Rýhy.

Ұлытау облысының прокуратурасы таратқан ақпаратқа сүйенсек, азап көрген адам әкімшілік бап бойынша ұсталған. Прокурорлар оның арызын қабылдап, осы факт бойынша сотқа дейінгі тергеп-тексеруді аяқтады.    

«Тергеу барысында күдіктілер кепіл қойып, ешқайда кетпеу туралы қолхат берген. Қазір іске қатысты тараптар іс материалдарымен танысып жатыр, содан кейін қылмыстық іс сотқа жолданады», - деп хабарлады прокуратура.