Ақмола облысында кәмелет жасына толмаған 231 қыздың аяғы ауыр болған – ресми статистика

Өткен жылдың он айында 34 қыз баланың жүкті екені анықталған

Фото: istockphoto.com

Ақмола облысында соңғы 5 жылда кәмелет жасына толмаған 231 қыз баланың аяғы ауыр болған. Олардың көбі – 15-17 жаста, деп хабарлайды Azattyq Rýhy.

Біздің ресми сауалға жауап берген Ақмола облысының денсаулық сақтау басқармасы соңғы 5 жыл мен 2023-2024 жылдардың статистикасын ұсынды.

«2024 жылдың 10 айында 34 қыз бала жүкті болды. 2023 жылдың 10 айында осындай 42 факт тіркелді. Соңғы 5 жылда -–231 қыз баланың аяғы ауыр болған», - деп хабарлады басқарма.

Дереккөзге сүйенсек, ерте жүкті болған қыздардың орташа жасы – 15-17 жас.

«2024 жылы 6 қыз бала, 2023 жылы 2 қызға аборт жасалған. 2024 жылы 28 қыз бала, 2023 жылдың 10 айында 40 қыз бала аман-есен босанды», - деп хабарлаған басқарма.

Мақалада

#Ақмола облысы #жүктілік #ерте жүктілік #кәмелет жасқа толмағандар

Алдыңғы жаңалық

Мәжіліс депутаты БҚО-дағы алғашқы жайлы мектептің жұмысымен танысты