Жәрдемақы алу үшін өтініш бермей жүрген әншінің өзі - министрлік Мақпал Исабековаға жауап берді

Әнші Мақпал Исабекова баласының жәрдемақысын ала алмай жүргенін айтып, электронды үкіметтің жұмысын сынаған еді. Осы мәселеге қатысты редакция еңбек және халықты әлеуметтік қорғау министрлігіне сұрау жолдаған болатын. Ресми органның жауабына сүйенсек, жәрдемақы алуға өтініш бермей жүрген әншінің өзі екен, деп хабарлайды Azattyq Rýhy.

Құзырлы министрлік оқиғаның мән-жайын түсіндіріп берді. Ведомство жәрдемақыға өтініш бермей жүрген Мақпал Исабекованың өзі дейді. 

«Одан МӘСҚ төлемдері бойынша кірістерді растайтын құжаттар сұралды. Шілде айында мемлекеттік жәрдемақыны тағайындау үшін оған үш рет SMS-хабарлама жолданған, алайда ол жауап бермеген», - деп хабарлады минстрлік.