2020 жылы 26 мыңнан астам жұмыс орны құрылды

2020-2021 жылдарға арналған Жұмыспен қамтудың жол картасы аясында (бұдан әрі – ЖҚЖК) 3 096 жобаны жүзеге асыру басталып, олардың ауқымында 26,3 мың жұмыс орны құрылды. Бұл туралы Еңбек және халықты әлеуметтік қорғау министрлігінің баспасөз қызметі хабарлады.

«ЖҚЖК аясында жергілікті атқарушы орындар 6 506 жобаны іске асыруға ұсынып отыр. Оның ішінде 2 410 жоба республикалық бюджет есебінен қолға алынуда. ЖҚЖК инфрақұрылымдық жобаларын іске асыру 4 негізгі бағыт бойынша өтеді: әлеуметтік-мәдени нысандарды күрделі және ағымдағы жөндеу, қайта құрылымдау және салу (2 703 жоба); тұрғын үй-коммуналдық шаруашылық нысандарын күрделі, орташа және ағымдағы жөндеу, қайта құрылымдау (1 039 жоба); инженерлік-көлік инфрақұрылымын күрделі, орташа және ағымдағы жөндеу, қайта құрылымдау және салу (1 799 жоба); елдімекендерді абаттандыру (965 жоба)», - деп жазылған хабарламада.

Айта кету керек, ЖҚЖК аясында барлығы 255 мың жұмыс орнын ашу жоспарлануда. Бұл ретте ЖҚЖК жобалары болашақта 100 мыңнан астам тұрақты жұмыс орнын ашуға негіз болады.