Бүркітші Айшолпанға екі бөлмелі пәтер табысталды

Бүркітші Айшолпанға Шығыс Қазақстан халқы атынан екі бөлмелі пәтер сыйға берілді, деп хабарлайды Azattyq Rýhy. 

Бұл сый ШҚО-да өткен іс-шара барысында берілді. Бүркітшіге пәтер кілтін облыс халқы атынан президент кеңесшісі Берік Уәли табыстады. 

Айшолпан Нұрғайыпқызы пәтер алатынын білмегенін айтып, облыс әкіміне алғысын білдірді. Бұған қоса, бүркітшілердің бірі қыран құсын Айшолпанға сыйға тартты. 

Шығыс Қазақстан өңірі Ұлан ауданында “Шығыс салбурыны-2024” халықаралық фестивалі өтті. Фестиваль аясында теңге ілу, жамбы ату, асау үйрету сынды ұлттық спорт түрлері бойынша жарыстар ұйымдастырылды.