Ауласында есірткі өсірген қызылордалық сотталды

Үйінің ауласында есірткі егіп өсірген 54 жастағы қала тұрғынын қызылордалық полицейлер жедел шара барысында ұстады, деп хабарлайды Azattyq Rýhy облыстық полиция департаментіне сілтеме жасап.

Тұрғынның үй ауласынан 34 түп сора өсімдігіне ұқсас шөп тәріздес заттары заттай дәлелдеме ретінде алынды. Сараптама қорытындысына сәйкес жалпы салмағы 3 кг. 630 гр. сора өсімдігі болып шықты.

«Аталған дерек бойынша тергеу әрекеттері жүргізіліп, қылмыстық іс айыптау актісімен сотқа жолданды. Соттың үкімімен сотталушы кінәлі деп танылып, оған 3 жылға бас бостандығынан айыру жазасы тағайындалған», - делінген хабарламада.