Шымкентте университет ректоры 28,5 млн теңге пара алды деген күдікке ілінді

М. Әуезов атындағы Оңтүстік Қазақстан университетінің ректоры 28,5 млн теңге көлемінде пара алды деген күдікпен ұсталды, деп хабарлайды Azattyq Rýhy жергілікті Otyrar.kz-ке сілтеме жасап.

 Мұндай ақпарат әуелі әлеуметтік желілерде пайда болды. Онда оқу орнының тағы екі лауазымды тұлғасы мен екі компанияның басшылары қамауға алынғандығы хабарланған.

 Экономикалық тергеу департаментінде ректордың ұсталғаны туралы ақпарат расталды.

«Қазір тергеу жүргізілуде. Тергеудің құпиялылығына байланысты ақпарат жария етілмейді», - деді Шымкент қаласы бойынша Экономикалық тергеу департаменті басшысының орынбасары Санат Құлбаев.

Әзірге істің мемлекеттік сатып алулармен байланысты екені ғана белгілі.