Баян Алагөзова Бишімбаевтың сотына ұқсас тақырыпта фильм түсіріп жатыр (ВИДЕО)

Продюсер Баян Алагөзова «Жалғыздық» фильмінің түсірілімін бастады. Ол фильмнің негізгі желісін айтып берді, деп хабарлайды Azattyq Rýhy.

Баян Алагөзова атағандай, бұл тұрмыстыұ зорлық-зомбылық тақырыбындағы трилогияның екінші бөлімі болады.

«Қазір фильмнің атауы «Жалғыздық» болып отыр. Алайда, фильмнің атын өзгертетін шығармыз. Мен «Бақыт» фильмін түсіргенде Асқар Ұзабаев екеуміз тұрмыстық зорлық-зомбылық жайлы үш фильм, яғни трилогия түсіреміз деп жоспарладық. Оған қайтып келу қаншалықты қиын болса да, Бишімбаевтың соты тұрмыстық зорлық Қазақстандағы ең өзекті мәселенің бірі екенін растады. Фильм – әлеуметтік жоба. Біздің көрермен түрлі жандрдағы фильмді көруге үйренуі керек. Бұл коммерциялық жоба болғандықтан, біз қыруар ақша табу үшін түсіріп жатыр десе, ол қате түсінік. Біз көрерменді киноға  келіп, бір түйін жасап шығуы үшін шақырамыз», - дейді Баян Алагөзова.

Фильмнің бас продюсері – Баян Алагөзова. Атқарушы продюсер Айнұр Нұрмағамбет, қоюшы режиссер Санжар Омаров, Ккастинг директоры Меруерт Есен. Ал басты рөлдердің бірін сомдайтын актер Азамат Сатыбалды. Ол өзінің парақшасына сот залынан түсірілген киноның үзіндісін жариялады. Сондай-ақ актерлік құрамда Нұрай Жеткерген, Мадина Ақылбекова, Аружан Бекболатова сынды актрисалар бар.

Еске салсақ, экс-министр Қуандық Бишімбаев өзінің әйелі Салтанат Нүкенованы ұрып өлтіргені үшін 24 жылға сотталып кеткен еді.