Шет ауданының тұрғындары құрып кету қаупі бар 13 ақбөкенді атқан

Қарағанды облысында браконьерлерден 13 ақбөкен өлексесі мен 328 мүйіз тәркіленді, деп хабарлайды Azattyq Rýhy.

«Қылмыстық топ Шет ауданының тұрғындарынан құралып, құрып кету қаупі бар ақбөкендерді атумен айналысқан. Жедел-тергеу іс-шаралары барысында 22 тінту жұмыстары жүргізіліп, полицияға 11 адам жеткізілді. 328 мүйіз, 13 ақбөкен өлексесі және 20 келіден астам бұзылған ет тәркіленді», -деп хабарлады Қарағанды облыстық полиция департаментінің бастығы Негмет Исмағұлов.

Қылмыстық іс қозғалды. Тергеу әрекеттері жүргізіліп жатыр.

Қазіргі уақытта мемлекетке келтірілген шығынды анықтау мақсатында тиісті сараптамалар тағайындалды.