Жұмыс берушінің кінәсі 100% дәлелденді: «Майқайыңалтынға» қатысты сот шешімі шықты

Астана қалалық сотының әкімшілік істер жөніндегі сот алқасы Астана қаласының мамандандырылған ауданаралық әкімшілік сотының 2024 жылғы 16 сәуірдегі шешімін өзгеріссіз қалдырды, деп хабарлайды Azattyq Rýhy.

Істің мән-жайларынан 2024 жылғы 4 қаңтарда «Майқайыңалтын» АҚ Майқайың жерасты кенішінің аумағында «КӘАҚҚ РОШ» ЖШС қызметкерлерімен автобус тазарту кеңістігіне түсіп, нәтижесінде 4 құтқарушы қаза тапқаны анықталды.

ҚР ЕХӘҚМ Еңбек және әлеуметтік қорғау комитеті төрағасының 2024 жылғы 4 қаңтардағы бұйрығымен құрылған комиссия өліммен аяқталған еңбек қызметіне байланысты жазатайым оқиғаның себептерін тергеп-тексеруді жүргізді, топтық жазатайым оқиғаны тергеп-тексеру актісін (актіні) жасады.

«Жазатайым оқиға жұмыс уақытында «КӘАҚҚ РОШ» ЖШС қызметкерлерінің еңбек міндеттерін орындау кезінде орын алды. Актімен жұмыс берушінің кінәсі 100% анықталды (актінің 6.3-тармағында көрсетілген жауапты тұлғалардың әрекеттерінен (әрекетсіздігінен) туындаған жазатайым оқиғаның себептерін негізге ала отырып). «Майқайыңалтын» АҚ орын алған жазатайым оқиғада өзінің кінәсін жоққа шығарып, бұл актіні даулады», - делінген соттың хабарламасында.

Сотта жазатайым оқиға «Майқайыңалтын» қауіпті өндірістік объектісінде технологиялық жолдың жоғарғы қабатының шахтаның тазарту кеңістігіне құлауы және «КӘАҚҚ РОШ» ЖШС құтқарушыларымен бірге автобустың құлауы салдарынан болғаны анықталды.

Соттар комиссия актіде «Майқайыңалтын» АҚ-ның 100% кінәсін негізді түрде көрсетті деген қорытындыға келді, өйткені болған жазатайым оқиға талапкердің өндірістік қызметімен тікелей байланысты.

«Соттардың қорытындылары сотта зерттелген тергеу материалдарымен, оның ішінде сараптама ұйымдарының қорытындыларымен расталды. Елорда соттары арнайы тергеу актісінің даулы қорытындылары заңды және негізді деп тапты, ал «Майқайыңалтын» АҚ-ның талабын қанағаттандырудан бас тартылды», - делінген хабарламад.

Жергілікті соттардың сот актілері заңды күшіне енген жоқ.