МӘМС: Ақмола облысында 400-ден астам адамға 60 миллион теңге қайтарылды

Ақмола облысында жұмыс берушілер көпбалалы аналардан (6-дан астам бала тәрбиелеп отырған), мүгедектігі бар адамдардан және күндізгі оқу нысаны бойынша білім алушылардан төлеуден босатылған МӘМС жарналарын негізсіз ұстаған, деп хабарлайды Azattyq Rýhy.

Жалпы сомасы 60 млн теңгеден астам жеңілдік санаттағы 436 адамға ақша қаражатын қайтару жүзеге асырылды.  

«Мысалы, көпбалалы ананың жұмыс берушісі әлеуметтік медициналық сақтандыру қорына 31 243 теңге аударған. Басқа жағдайда, мүгедектігі бар адамнан Қордың пайдасына 82 306 теңге мөлшерінде жарналар ұсталған. Мұндай фактілер аз емес», - деп хабарлады Ақмола облысының прокуратурасы.