Түркияда туристер мінген кеме өртенді (ВИДЕО)

Мармарис жағалауында туристік кеме өртенді, деп хабарлайды Azattyq Rýhy.

«Eagles туристік кемесіндегі өрттің салдарынан 96 жолаушы мен алты экипаж мүшесі эвакуацияланды. Оқиға салдарынан 17 адам зардап шекті: 14 адам жеңіл жарақат алды, үшеуі ауыр жағдайда», - деп хабарлады Түркия Көлік министрлігі жанындағы Теңіз басқармасы.

Жиырма метрлік ағаш кеме сағат 16.00-де өртенді.

БАҚ-тың хабарлауынша, шетелдік туристер жанып жатқан кемеден секірген, жақын маңдағы яхталар, кемелер мен жағалау күзетінің экипаждары оларды құтқарған.

Өртенген кеме суға батып кетті, оқиғаны тергеу басталды.