Жетісуда шаруа иесі мемлекетке тиесілі жер учаскесін өз бетінше иеленіп алған

Ауыл шаруашылығы министрлігі Жер ресурстарын басқару комитеті тарапынан Жетісу облысының Көксу ауданында орналасқан жер қойнауын пайдаланушыға жоспардан тыс тексеру жүргізілді, деп хабарлайды Azattyq Rýhy.

Комитеттің аумақтық департамент өкілдерінің тексеру нәтижесі бойынша ЖШС-мен мемлекет меншігіндегі көлемі 1,92 га жер учаскесін өз бетінше иеленіп алу фактісі анықталды.

«Осыған байланысты, Қазақстан Республикасының Әкімшілік құқық бұзушылық кодексінің 136 бабына сәйкес шаралар қабылданып, сомасы 553 мың теңге көлемінде айыппұл салынды және мемлекет кірісіне өндірілді. Қазіргі уақытта өз еркімен басып алған жер учаскесі босатылды және заңбұзушылық жойылды», - делінген хабарламада.