Павлодар облысында 4 мың тұрғын не үшін жазаланды

Павлодар облысында жыл басынан бері 4 мыңға жуық тыныштықты бұзушы жазаланды, деп хабарлайды Azattyq Rýhy.

«Учаскелік чаттар тұрғындардың проблемалары туралы ақпарат алады және оларды жедел шешуге тырысады. Ортақ үй чатының тұрғындары өздерінің учаскелік инспекторына хабарласып, сағат 03.57-де жүргізушіні тыныштандыруды сұрады. Ол Н. Назарбаев 8/2 даңғылындағы үйдің ауласында көлікте музыканың дауысын айқайлатып қосқан, осылайша азаматтардың тыныштығын бұзды. Құқық бұзушыға қатысты тыныштықты бұзғаны үшін әкімшілік іс қозғалды. Құқық бұзушыға 5 АЕК айыппұл салынды», – деді Павлодар облысы ПД жергілікті полиция қызметі бастығының міндетін атқарушы Руфат Кенжин.

Дәл осы күні Жамбыл көшесіндегі үйдің тұрғындары да осындай шағымдармен жүгінген. Сағат 01.20-да аулада шу естілді. Барлық құқық бұзушылар жазаланды.