Түркияның батысында жарылыстан 5 адам қаза тапты

Түркияның Измир қаласында тұрмыстық газдың жарылуынан бес адам қаза тапты, 63 адам зардап шекті, деп хабарлайды Azattyq rýhy NTV-ге сілтеме жасап.

Ауданда тоғыз ғимарат қирады.

«Оқиғаны тергеу басталды. Іс бойынша екі прокурор тағайындалып, өнеркәсіптік баллонды ауыстырған адам және кәсіпорын иесі ұсталды», - делінген материалда.

Жарылыс Торбалы ауданындағы тұрғын үйдің бірінші қабатында орналасқан кондитерлік цехта болғаны анықталды.

Зардап шеккендерге көмек көрсетіледі.