Жәрмеңке: елордада Түркістан, Жамбыл және Ақмола өнімдері ұсынылады
Бұл жәрмеңке әр демалыс күндері сағат 10:00-ден 19:00-ге дейін жұмыс істейді
29 маусым күні Астанада Бейбарыс Сұлтан көшесінің бойында жаңа ауыл шаруашылығы жәрмеңкесі басталады, деп хабарлайды Azattyq Rýhy.
Жаңа жәрмеңке «Рио-де-Жанейро» ТК қарама-қарсы орналасады (Бейбарыс Сұлтан көшесі, 23). Ол күн сайын сағат 9.00-ден 20.00-ге дейін келушілер үшін ашық болады.
Жәрмеңкеде жергілікті, сондай-ақ Түркістан, Жамбыл және Ақмола облыстарының тауар өндірушілерінің түрлі тауары ұсынылады.
«Келушілер жаңа піскен көкөністер мен жемістерді, сапалы ет, ұн өнімдерін және басқа да көптеген ауылшаруашылық өнімдерін сатып ала алады. Келушілерге ыңғайлы болу үшін жәрмеңкенің жанында № 49,73 автобус маршруттары өтеді, бұл іс-шара өтетін жерге ыңғайлы қолжетімділікті қамтамасыз етеді», - деп хабарлады әкімдік.
Айта кету керек, елордада демалыс күндері жәрмеңке жұмыс істейді. Ол Сарыарқа ауданында Б. Соқпақбаев көшесі, 21 мекенжайында орналасқан. Бұл жәрмеңке әр демалыс күндері сағат 10:00-ден 19:00-ге дейін жұмыс істейді.
