Астанада жыл басынан бері 15 бала терезеден құлады

Астанада жыл басынан бері балалардың терезеден құлауының 15 фактісі тіркелді, деп хабарлайды Azattyq Rýhy.

Балалардың көпқабатты үйлердің терезелерінен құлап кетуіне жол бермеу мақсатында полиция қызметкерлері тұрақты түрде профилактикалық жұмыстар жүргізіп, қала тұрғындарына қауіпсіздік шаралары туралы ескертеді.

Астана қаласы ПД ата-аналарды негізгі қауіпсіздік ережелерін сақтауға және балаларды қараусыз қалдырмауға ескертеді:

• балаңыз үйде болса, терезені ашық ұстамаңыз; 
• москит торларына ешқашан сенбеңіз, балалар оларға сүйеніп, олармен бірге құлап кетеді;
• балаңыз терезені өздігінен аша алмайтындай терезелерге арнайы қорғаныс жүйелерін орнатыңыз (бекіткіштер, блокаторлар);
• барлық жиһазды, соның ішінде төсектерді терезелерден алыстатыңыз, бұл баланың терезеге шығуына жол бермейді. 
• Балаларыңыздың өмірі мен денсаулығы – баға жетпес құнды екенін ұмытпаңыз!