Жаңаөзенде қарызы 6 миллионға жеткен борышкер әке қамаққа алынды

Жаңаөзен қаласының прокуратурасы берген мәлімет бойынша, алимент бойынша 6 млн теңге берешегі бар борышкерге қатысты Қылмыстық кодекстің 139-бабымен тіркелген қылмыстық іс сотқа жолданды, деп хабарлайды Azattyq Rýhy.

Айыпталушы сотқа келуден жалтарған, осы негізде қала прокурорының өтінішімен сотпен бұлтартпау шарасы қамаққа алуға өзгертіліп, борышкерге іздестіру жарияланды.

Жүргізілген іздестіру шаралар нәтижесінде борышкер Қостанай қаласынан анықталып, қамаққа алынды.

Қазіргі уақытта алимент бойынша берешегі толық өтелді және қылмыстық іс негізінен қарау үшін сотқа жолданды.