Шымкентте асырап алған 6 баласына қатыгездік танытқан емшінің ісін қарайтын судья анықталды

Шымкентте асырап алған 6 баласына қатыгездік танытты деп айыпталған жергілікті емшінің қылмыстық ісін қарайтын судья белгілі болды, деп хабарлайды Azattyq Rýhy.

Емшінің қылмыстық ісін кәмелетке толмағандар істері жөніндегі мамандандырылған ауданаралық соты төрағасының міндетін уақытша атқарушы Болат Қарабаев қарайтын болды.

Қалалық соттың мәліметінше, алғашқы отырыс 18 маусымға белгіленген. Сот процесі жабық өтеді. 

Бұған дейін Шымкентте жергілікті емшінің 6 баланы қамқорлыққа алып, оларға ит пен мысықтың етін бергенін, мал бақтырып, үш жылдан бері азаптап келгенін хабарлаған болатынбыз.