Ұлттық тестілеу орталығының деректерін көшірген оралдық екі тұрғын сотталды

Azattyq Rýhy

Үкім заңды күшіне енді

Ұлттық тестілеу орталығының деректерін көшірген оралдық екі тұрғын сотталды
Фото: ҚР ҰҚК баспасөз қызметі

Ұлттық тестілеу орталығының қызметіне заңсыз араласқан Орал қаласының екі тұрғыны сотталды. Бұл туралы ҚР ҰҚК баспасөз қызметінен мәлім етті, деп хабарлайды Azattyq Rýhy.

ҰҚК мәліметінше, Орал қаласы сотының үкімімен ҚР Қылмыстық кодексінің 206, 250 және 198-баптарында көзделген қылмыстарды жасағаны үшін аталған екі азаматтың әрқайсысы 2 жыл 6 айға бас бостандығынан айыру жазасына кесілді.

«Сондай-ақ олар коммерциялық ұйымдарда 5 жыл мерзімге басшылық лауазымдарды атқару құқығынан айырылды. Үкім шығаруға ҰҚК-нің іс жүргізу материалдары негіз болды. Анықталғандай, сотталушылар 2021-2022 жылдары Қазақстан Ғылым және жоғары білім министрлігі Ұлттық тестілеу орталығының заңмен қорғалатын ақпаратына қол жеткізіп, көшірген. Үкім заңды күшіне енді», - делінген хабарламада.

×
Бұл желілік ресурстың ақпараттық өнімдері 18 жастан асқан адамдарға арналған.