Ақмола және Солтүстік Қазақстан облыстарында су басу қаупі бар

Экология, геология және табиғи ресурстар вице-министрі Сергей Громов су басу қаупі бар аймақтардың саны азайғанын, Ақмола облысында да жағдай дұрыстала бастағанын айтты.

«Наурыз айы қолайлы болды, күндіз жылы, түнде суық болып, қардың біртіндеп еруіне мүмкіндік туды. Сәуір айының басында Нұра, Шерубай-Нұра, Есіл, Жабай, Қалқұтан өзендерінің бассейндерінде су деңгейі көтерілді. Жалпы айтқанда, су басу қаупі болған 6 аймақ екеуге дейін қысқарды. Олар -  Ақмола және Солтүстік Қазақстан облыстары», - деді вице-министр.

Ішкі істер вице министрі Юрий Ильин қазір ең қауіпті аймаққа Петропавл қаласы кіретінін айтты. Вице-министрдің айтуынша, бүгінде Петропавл су қоймасы 114 пайызға толған.

Естеріңзге сала кетейік, Петропавлда екі мыңнан астам саяжайды су басты.