«Мені не үшін 4 жылға соттадыңыз?»: Байжанов сот залында үкіммен келіспейтінін айтты

Azattyq Rýhy

Ол сотта өзін кінәсіз деп санайтынын алға тартты

«Мені не үшін 4 жылға соттадыңыз?»: Байжанов сот залында үкіммен келіспейтінін айтты
видеодан скриншот

Бүгін сот шешімімен 4 жылға бас бостандығынан айырылған Бақытжан Байжанов сот залында өзінің наразылығын танытты, деп хабарлайды Azattyq Ruhy.

Судья Айжан Құлбаева үкімді оқығаннан кейін тараптардан үкімге қатысты айтарлары бар ма екенін сұрады. 24 жылға сотталып отырған Қуандық Бишімбаев, зардап шеккен Айтбек Амангелді және мемлекеттік айыптаушылар үкімге қатысты өтініштері жоқ екенін айтса, Бақытжан Байжанов наразылығын білдірді.

«Мені не үшін 4 жылға соттадыңыздар? Кінәсіз адамды неге соттадыңыздар?»,- деді Байжанов. 

Судья Айжан Құлбаева оған сот үкімі қолына тиген соң 15 тәулік ішінде үкімді аппеляцияға бере алатынын айтып, сот отырысын жабық деп жариялады.

×
Бұл желілік ресурстың ақпараттық өнімдері 18 жастан асқан адамдарға арналған.