Ақтөбеде алаяқтық жасаған депутат сотталды

Ақтөбе қаласының соты екі рет алаяқтық жасап, миллиондаған ақшаны қалтасына басқан мәслихат депутатына қатысты үкім шығарды, деп хабарлайды Azattyq Ruhy. 

Соттың деректеріне сәйкес, депутат 2020 жылы өзінің шаруа қожалығына 1200 бас ірі қара мал сатып алатынын айтып, Аграрлық несие корпорациясы арқылы 390 млн теңге алған. Бірақ қаражатты жеке мақсатына жұмсаған.

2021-2022 жылдары «Ақтөбе облысының Ауыл шаруашылығы басқармасына» жалған өтінім беріп, жоқ малын бордақылауға 67 млн теңге субсидия алған.

Депутат 6 жылға сотталды. Сонымен бірге, ол 10 жылға дейін коммерциялық ұйымдарда басшы лауазымын атқару құқығынан айырылды.

Үкім күшіне енген жоқ.