Өскеменде зейнеткер газ бен тежегішті шатастырып алған: үш көлікке зақым келді

72 жастағы қарияға қатысты әкімшілік хаттама толтырылды

видеодан скриншот

Өскеменде 72 жастағы қария көліктің тежегіші мен газ педалін шатастырып алып, 2 машинаны соққан, деп хабарлайды Azattyq Ruhy Yk-news-ке сілтеме жасай отырып.

Оқиға 20 сәуір күні түстен кейін Қазақстан көшесінде болған.

ШҚО полициясының хабарлауынша, қария Infinity QX80 көлігін жүргізіп келе жатып, тежегіш пен газ педалін шатастырып алған. Осылайша Toyota Land Cruiser Prado көлігіне соққан, ол көлік алдында тұрған Nissan X-Trail көлігіне барып соғылады.

Полиция Infiniti QX80 жүргізушісіне қатысты әкімшілік хаттама толтырылғанын атап өтті.

Мақалада

#Өскемен #жол апаты #қария

Алдыңғы жаңалық

Бишімбаев сотына журналистер қайта кіретін болды