Мұнай өнімдерін заңсыз әкетпек болғандардың жолы кесілді

2024 жылдың бірінші тоқсанында Қазақстан-Ресей шекарасында 13 650 литр жанар-жағармайды заңсыз әкетудің 103 әрекеті анықталған, деп хабарлайды Azattyq Ruhy.

Қазақстан-өзбек шекарасында 11 135 литр жанар-жағармайды заңсыз шекара асыруға 68 әрекет жасалды. 3,7 млн теңге айыппұл өндірілді.​

Қазіргі уақытта мұнай өнімдерінің жекелеген түрлерін Қазақстан Республикасының аумағынантыс жерлерге әкетуге тыйым салынған. Тыйым Қазақстанның ішкі нарығында жанар-жағармай материалдарының тапшылығын болдырмау үшін нормативтік актілермен бекітілген.

«Мемлекеттік кірістер комитеті белгіленген тыйымдар мен шектеулердің сақталуына бақылау жүргізеді. Тәуекелдерді басқару жүйесі қолданылады. Электрондық декларациялаудың «АСТАНА-1» ақпараттық жүйесінде әкетуге тыйым салынған мұнай өнімдерінің кедендік декларациялауын болдырмау мақсатында шаралар қабылданған», - деп хабарлайды Мемлекеттік кірістер комитетінің баспасөз қызметі.

МКК мұнай өнімдерін заңсыз әкету фактілерін анықтау және жолын кесу бойынша іс-шаралар жүргізеді. 2023 жылы Қазақстан-өзбек шекарасында 79 800 литр мұнай өнімдерінің заңсыз әкетуінің 294 әрекеті тоқтатылды. Мемлекет бюджетіне 24,5 млн теңге айыппұл өндірілді.