Елтаңба өзгерсе, оған қанша уақыт кетуі мүмкін - Әділет министрлігі пікір білдірді
Ресми өкіл Елтаңбаны өзгертетін болса, оған қанша уақыт кетеді деген сұраққа жауап берді
Елтаңбаны өзгертумен тікелей Әділет министрлігі айналыспайды. Бұл туралы бүгін өткен брифингте Әділет министрлігінің ресми өкілі Талғат Уәли мәлім етті, деп хабарлайды Azattyq Ruhy.
«Елтаңбаның өзгеру-өзгермеуі екіталай. Мемлекет басшысы осындай ұсынысты ортаға тастады. Қоғам тарапынан бұл ұсыныс қалай қабылданатыны ескеріледі. Ел азаматтарының басым бөлігі «Елтаңба өзгеруі қажет» деп таныса, талқылаудан кейін барып мемлекеттік органдарда қаралатын мәселе. Сондықтан, дәл қазір Елтаңба өзгереді, оны өзгертуге осынша уақыт кетеді деп айту орынсыз болады», - деді Уәли.
Айта кетейік, Атырауда өткен құрылтайда Президент Қасым-Жомарт Тоқаев Қазақстанның қазіргі Елтаңбасына қатысты пікір білдірген еді.
