Қыз зорлады деп айыпталған бұрынғы полиция бастығы сот залынан ауруханаға жеткізілді

Azattyq Rýhy

Осыған байланысты сот отырысы кейінге қалдырылды

Қыз зорлады деп айыпталған бұрынғы полиция бастығы сот залынан ауруханаға жеткізілді
Фото: gov.kz

Талдықорған қалалық полициясының бұрынғы бастығы Марат Күштібаев сот залынан ауруханаға жеткізілді, деп хабарлайды Azattyq Rýhy.

«Қазіргі уақытта сотталушы кардиологиялық орталықта, дәрігерлер бақылауында. Осыған байланысты сот отырысы кейінге қалдырылды», - деп хабарлады Жетісу облыстық сотының баспасөз қызметінен.

Айта кетейік, 2024 жылы 28 ақпанда Марат Күштібаевтың зорлау ісі бойынша сот процесі басталған болатын. Процесс жабық режимде өтіп жатыр. Ол тоғыз жылдан 12 жылға дейін бас бостандығынан айыру жазасына кесілуі мүмкін.

×
Бұл желілік ресурстың ақпараттық өнімдері 18 жастан асқан адамдарға арналған.