Атырауда жарқанат табылған балабақшада ата-аналар шуынан соң дизенфекция жасалды
Балабақша меңгерушісі түсініктеме берді
Атырауда жарқанат табылған балабақша ата-аналар шуынан соң дизенфекцияланды. Жыртқышты қаладағы №48 «Родничок» бақшасында балалар тобынан бір емес, бірнеше рет көргенін айтқан, деп хабарлайды Azattyq Ruhy Астана телеарнасына сілтеме жасап.
«Басшылыққа ескерткенімізбен, ешқандай нәтиже жоқ» дейді әлеуметтік желідегі жазбада наразы ата-аналар. Мектепке дейінгі мекеме басшысы балалар ғимаратында жарқанат барын жоққа шығарған жоқ. Айтуынша, ғимарат ескі. 40 жылдан астам уақыт күрделі жөндеу көрмеген. Десе де үнемі тек залалсыздандыру жұмыстарын жүргізіп тұратындарын жеткізген.
«Ата-аналар шағымын аяқтай айтып келген соң қалалық білім бөліміне де хат жазылды. Сенбі, жексенбі күні мемлекеттік сатып алу бойынша бір компания ұтып алды. Сол мекеменің қызметкерлері келіп, сенбі-жексенбі күні дезинфекция жұмыстарын жүргізді. Яғни, подвалдан бастап, барлық бөлмелердің ішін улады. Дезинфекция жұмысын күшейтеміз», - деді балабақша меңгерушісі Лира Досалиева.
