Елордада Жаңа жыл түні тыныш өтті

Жаңа жыл мерекесінде Астана қалалық полиция департаментінің қызметкерлері азаматтардың тыныштығы мен қауіпсіздігін қорғап, күшейтілген қызметтік нұсқада жұмыс істеді, деп хабарлайды Azattyq Ruhy Polisia.kz-ке сілтеме жасап.

Жалпы, Жаңа жыл түні тыныш өтті. Ауыр және аса ауыр қылмыстар жасалған жоқ. Соңғы тәулікте елордада 18 қылмыстар тіркеліп, оның 9 «ізі суымай» ашылды. Полицияның «102» жедел жәрдем бөліміне азаматтардан 1265 шамасында қоңыраулар түскен. Бұл негізінен түнгі тыныштықты бұзу.

«Елорда жолдарында 27 жол-көлік оқиғасы тіркеліп, зардап шеккендер мен қаза тапқандар болған жоқ. Көлікті мас күйінде басқарған 6 жүргізушілер ұсталды», - делінген хабарламада.