Астанада су тапшылығы жоқ – Қасымбек

Үшінші сорғы-сүзгі станциясының құрылысы аяқталған

Астанада су тапшылығы жоқ – Қасымбек
Фото: gov.kz

Астана қаласының әкімі Жеңіс Қасымбек Орталық коммуникациялар қызметінде өткен брифингте елордадағы су тапшылығы мәселесіне қатысты атқарылған жұмыстар жайлы айтты, деп хабарлайды Azattyq Ruhy.

«Жыл сайын қала халқының саны 50-60 мың адамға артып келеді. Іске қосылған тұрғын үй көлемі артып келеді. Тиісінше, суды тұтыну көлемі артып келеді, бұл жаздың басында қалада белгілі бір су тапшылығына әкелді. Мәселені шешу үшін маусым айында Астана су қоймасынан қосымша су құбыры іске қосылды, бұл тәулігіне 90 мың м3 көлемінде қосымша су беруді қамтамасыз етті», - деді Астана әкімі.

Ол атағандай, үшінші сорғы-сүзгі станциясының құрылысы аяқталды.

«Бүгінгі таңда қалада су тапшылығы жоқ. Келешекте сумен қамтамасыз ету үшін қазір су құбырының екінші желісін салу жұмыстары жүргізілуде. Нұра жер асты сулары кен орнынан су құбырын жобалау, сондай-ақ Тельман сорғы станциясын кеңейтуді жобалау аяқталуда. Оларды іске асыру 2030 жылға дейін қаланы тұрақты сумен қамтамасыз етеді», - деді Қасымбек.

Авторы: Аягөз ҚҰРМАШ 

×
Бұл желілік ресурстың ақпараттық өнімдері 18 жастан асқан адамдарға арналған.