ІІМ алматылық полицейлердің 14 жастағы қызды зорлағанын растады

Ішкі істер министрі Ержан Сәденов Мәжілістің кулуарында журналистерге берген сұхбатында алматылық полицейлердің 14 жастағы қызды зорлау фактісін растады, деп хабарлайды Azattyq Ruhy.

Министрдің айтуынша, екі күдікті де қамауға алынды.

Өкінішке қарай, ондай оқиға болғаны рас. Ол қылмысты бұрынғы қызметкерлер жасады. Тәртіптік комиссия құрылып, екі қызметкер де теріс себептермен ішкі істер органдарынан босатылды, - деп айтты Ержан Саденов.

ІІМ басшысының айтуынша, олар қылмыстық іс аясында қамауға алынды.

Бұған дейін «НЕМолчи.кз» қорының жетекшісі Дина Таңсәрі екі полиция қызметкерінің 14 жастағы қызды зорлағанын хабарлаған болатын.