Топтық зорлау: Қонаев қаласында оқушы қызбен төсектес болған полицейлер қамауға алынды
Облыстық ПД ресми мәлімдеме жасады
Алматы облысында мектеп оқушысын зорлаған полицейлер қамауға алынды. Оларға кәмелеттік жасқа толмаған қызға қатысты қылмыс жасады деген айып тағылған, деп хабарлады Azattyq Ruhy тілшісі.
Қос полицейді өздерінің әріптестері ұстаған.
«Биылғы 7 қарашада полицияға Алматы облысының 43 жастағы тұрғыны кәмелетке толмаған қызына қатысты екі белгісіз адамның жыныстық сипаттағы зорлық-зомбылық жасағаны туралы арызданды. Сол күні қылмыстық іс ҚР Қылмыстық кодексінің 120-бабы 3-1-бөлігінің 1-тармағы бойынша облыстық полицияда тіркелді», - деп хабарлады Алматы облыстық ПД баспасөз қызметі.
Жедел-іздестіру іс-шаралары барысында полиция қызметкерлері 2000 және 2001 жылдары туған күдіктілердің жеке басын анықтап, «ізін суытпай» ұстаған. Тергеу нәтижелері бойынша олар қамауқа алынды.
«Жақын арада сотқа дейінгі тергеп-тексеру жүргізу аяқталып, қылмыстық істің материалдары мәні бойынша қарау үшін сотқа жіберілетін болады. ҚР ҚІЖК 201-бабының талаптарына сәйкес өзге ақпарат жария етуге жатпайды», - делінген ведомство таратқан ақпаратта.
Еске салайық, бұған дейін Қонаев қаласында полиция қызметкерлері 14 жастағы қызбен жыныстық қатынасқа түсіп, ол әрекеттерін видеоға да түсіріп алғаны туралы хабарлаған болатынбыз.
